Namaz dini həyatda nizam və intizamın mərkəzidir

03 May 2024 - 10:41

Müsəlmanın nizam və intizamına səbəb olan məsələlər arasında planlı dini proqramlar; məsələn, Qurani-Kərim mübarək Ramazan ayının orucunu müəyyən etmişdir ki, bu ayın başlanğıcı və sonu hilalın görünməsidir və onun müəyyən başlanğıcı və sonu vardır (Bəqərə, 187). Həmçinin namaz kimi ibadətləri yerinə yetirmək üçün dəqiq vaxt və cədvəl təyin etmişdir: “Namazı (gündəlik vacib namazların dördünü zöhr, əsr, məğrib və işa namazlarını və onların iyirmi iki rəkət nafilələrini) günəşin (hər bir kəsin öz məntəqəsinə uyğun olaraq günortanın tam yarısından) batmağa doğru meyl etməsinin əvvəlindən gecənin tam qaranlığına (gecə yarısına) qədər qıl və həmçinin sübh namazını (və onun nafiləsini də qıl). Həqiqətən sübh namazı (gecə və gündüz mələkləri tərəfindən yazılmaq üçün) müşahidə olunur” (İsra, 78).

Əmirəl-möminin Əli (ə) Muhəmməd ibn Əbu Bəkrə buyurdu: "Namazı öz vaxtında qıl və onu rahatlaşmaq üçün onu qabağa sal və bir işə görə onu gecikdirmə. Həmçinin bil ki, sənin bütün əməllərin sənin namazına tabedir". Deməli, beş vaxt namaz qılmaq gündüz insanın işlərinin nizamlanmasına səbəb olur. Namazda əməllər, zikr və onun müqəddiməsi bir şəkildə insan tərbiyəsinə və nizam və intizama düşməsinə səbəb olur.

Qrup halında namaz qılmaq da nizam və intizama və ahəngə əsaslanan bir növ məşq və hərəkətdir. Allah Rəsulu (s) camaat namazındakı nizam və intizam haqqında buyurur: "Ey insanlar, (camaat namazında) xətlərinizi düzəldin və çiyinlərinizi bir-birinə yapışdırın ki, aranızda boşluq olmasın! Bir-birinizlə ixtilaf etməyin, belə olduqda Allah sizin qəlblərinizə nifaq salar və bilin ki, mən sizi arxamda görürəm".

Möminlər ictimai işlərdə də nizamlı və koordinasiyalıdırlar və bütün işlərini, xüsusən də mühüm və həlledici məsələlərdə yalnız icma rəhbərinin icazəsi ilə görürlər. Əgər insan bu şərti yerinə yetirməzsə, o, həqiqi möminlərdən olmaz: “(Həqiqi) möminlər yalnız Allaha və Onun Peyğəmbərinə iman gətirmiş və (məsləhət, müharibə, cümə namazı və bayram tədbirləri kimi) mühüm ictimai işdə onunla birlikdə olanda icazə almayınca onun yanından getməyən kəslərdir. Allaha və Onun Peyğəmbərinə imanı olanlar səndən icazə istəyənlərdir” (Nur, 62).

 

iqna.ir